ياقطار مين وحاك 

28 فبراير، 2019

بقلم / عمرو المحمدى 


ياقطر مين وحاك… ياقطر مين علي تقطيعي خلاك… دا أنا الغلبان وعشان كدا وياك… علي قد حالي وحالي سكته معاك.. خنت الغلابه ياقطر… غدرت بيهم.. ولعت فيهم… تفتكر كدا شفيت غليلك… تفتكر كدا. سودت ليلهم وأضأت ليلك… قولي ياقطر الغلابه ليه الغلابه عليك بتهون… العيب فيك ولا فساد في دمهم مطحون.. قولي العيب في شغلك ولا اللي بيشغلك.. ولا اللي سايبك معطوب ويسرق اللي يصينك… قولي ياقطر اصلي الحكايه ايه.. تتعافي بجبروتك عليا ليه… تحرقني انا وتخاف من اللي شغلوك.. يا قطر فوق.. دول أهملوك.. دول مرتشين لعلاج أعطابك سرقوك..

. يا قطر فوق.. دول أهملوك.. دول مرتشين لعلاج أعطابك سرقوك… ياقطر فوق…. سواقك نزل منك وباعك.. وشغل نفسه بدراعه وكسر دراعك… تقوم انت تسيبه ليه… وتيجي تقطعني وتحرقني. بتتعافي عليا انا ليه… هو أنا اللي أهملتك.. وارتشيت ولجراحك وأعطابك تركتك.. ولا في عنفوان هيجانك نزلت وسيبتك.. ياقطر الغلابه لجل النبي فوق.. شمت فينا خرفان بتمنوا لينا الموت… كبروا وهللوا وصفارتم. تووووت… توووت…. ياقطر فوق.. دول عايزين يكسروك….ياقطر خلي عيونك صاحيه… واللي يأهملك قول وليك ألف عافيه …قول ياقطر علي كل مهمل ومرتشي سفاح.. قول وحافظ علي غلبان علي كرسيك برتاح…. ياقطر مصر منك كساها الهم… ياقطر قلوبنا منك ملاها الغم… إصرخ وقول مين وحاك علينا ياعم… احنا الغلابه لقمتنا بطفح الدم…. كفايا فساد واهمال سواقينك واللي مشغلينك. خلي عندك دم…. ياقطر مش هسيبك انا الغلبان سكتي معاك.. بس لجل النبي قولي مين علي الغلبان وحاك… مين علي مصرنا وحاك… مين شمتان بعمتلك وقطع لحمنا معاك.. ياقطر قول لجل النبي مين وحاك…..


التعليقات على ياقطار مين وحاك 

لم يتم اضافة تعليقات على الخبر بعد ... كن صاحب اول تعليق