فضفضة ع الماشي

13 مايو، 2019

بقلم ايناس الشناوي

‏‎كبرت وتعلمت بأن الشهادات والتعليم والخبرات .. ماتكفي لإجزم ان هذا الانسان طيب واخلاقه عاليه عمره التعليم ماكان بصمة للاخلاق.
كبرت وعرفت ان مش عشان انك جميله لازم تتجوزي احسن راجل في الدنيا 
كبرت واتعلمت إن مش عشان انتي طيبه لازم كل ال حواليكي يقدروا طيبتك
كبرت وعرفت إن الكلام الحلو سهل والفعل ما فيش أصعب منه
كبرت وعرفت إن الرجوله أخلاق ومواقف
كبرت وعرفت ان الجمال ذي ما هو نعمه ممكن يكون نقمة
كبرت وعرفت ان الأب بس هو الامان بعد ربنا
كبرت وعرفت إن الأخلاق رزق زي مش كل الناس تملكها
كبرت وعرفت إن الحب الصادق هو ال بيدوم بعد الجواز
كبرت وعرفت ما فيش صداقه بين بنت وبنت إلا من رحم ربي
كبرت وعرفت إن جمالك بيظهر بالمكياج الخفيف أفضل من الثقيل
كبرت وعرفت إن الموضه عمرها ما كانت في لبس الضيق وان المحتشم الواسع اشيك واجمل لأي بنت
كبرت وعرفت إن القوي بس ال بياخد حقه في الزمن ده
كبرت وعرفت إن كلمه بحبك أرخص من كيلو الطماطم
كبرت وعرفت إن مصر قاسية اوي علي ولادها
كبرت وعرفت إن ظل راجل مش ظل حيطة وأوقات الحيطه أفضل
كبرت وعرفت إن الناس الصح دايما بنقابلها في الوقت الغلط
كبرت وعرفت إن قعدت البيت والنوم بدري بياخد من العمر
كبرت وعرفت إن الجوهر أهم م المظهر وياما البدل والفساتين بتداري
كبرت وعرفت أن تعب المذاكرة والجامعة ما فيش أسهل منه
كبرت وعرفت ما تسافريش تشتغلي أو تدرسي بعيد عن بلدك
كبرت وعرفت اسرارك لنفسك وامك وبس
كبرت وعرفت ما فيش صداقه بين راجل وست
كبرت وعرفت ان الدايت مهم للصحه والشكل العام
كبرت وعرفت إن أفضل علاج للخنقه والزهق هو القرآن
كبرت وعرفت انك ممكن تكون وسط اهلك وحاسس بغربه
كبرت وعرفت إن السوشيال ميديا تضيع للوقت مش بتقتل الفراغ دي بتقتل جواك الحياة
كبرت وعرفت انك ما تديش الأمان والثقة لراجل إلا بعد اختبارات كثير وكثير
كبرت وعرفت إن في الشدة بس حيبان حبيبك من عدوك
كبرت وعرفت إن العشره بتبين معادن الناس وصحيح ال تحسبه موسي ممكن يطلع فرعون
كبرت وعرفت إن فتره الخطوبه ماسك وتمثيل واقنعه
كبرت وعرفت إن الصدمات دايما تيجي من أقرب واحب الناس لقلبك
كبرت وعرفت إن الحسد بيضيع أي حاجه حلوه
كبرت وعرفت ما فيش احسن من ذكر الله وهيا دي الباقيات الصالحات
وان الصدقة بتزود الرزق وتشفي م الأمراض
كبرت وعرفت المداومة علي صلاه الفجر وقيام الليل
كبرت وعرفت بجد ويا ريتني ما عرفت
من تجاربي في الحياه

خدعوكي سيدتي نعم وخد عوني انا ايضا باسم التطور والحضارة ومواكبة العصر روحتي تشتري هدوم ع الموضه ضيقتي لبسك فتحتي صدرك بينتي مفاتنك اغروكي بأنك حتكون في يوم علي صورة غلاف نسيتي اصلك ودورك ال اتخلقتي عشانه بقت قعدت البيت رجعية ولازم تنزلي تشتغلي زاحمتي الرجال جريتي ورا الاتوبيس بالمشواى سيبتي ولادك في الحضانة ونسيتي دورك المهم في البيت وتربية الأولاد قالولك حتكوني في يوم مشهورة واسمك حيلمع ويبان وازاي توافقي علي فلان ده أقل منك ومش ح تعرفي تحققي ذاتك معاه قالولك طرحه ايه شعرك كده أجمل والطرحه مش مذكورة في القرآن قالولك سافري بدون إذن زوجك واستمتعي بحياتك وان ذهقتي اخلعيه واخلصي منه اوام. قالولك جواز بدري ليه ومسؤولية اشتغلي وحققي ذاتك والعريس ح يجري عشانك بلاد خدعوكي باسم التطور والموضه وصحيتي لقيتي نفسك في حريه وهميه ومسجونه جوه نفسك كمان


التعليقات على فضفضة ع الماشي

لم يتم اضافة تعليقات على الخبر بعد ... كن صاحب اول تعليق