ياللى بتبصوا فى عشيتنا أنتم عايزين مننا ايه

3 فبراير، 2020

 

بقلم : عصام صبحى

يالى بتبصوا فى عشيتنا

انتم عايزين منا أيه

ليل نهار جايبين سيرتنا

ومش سايبنا فى حالنا ليه

ارحمونا خلاص تعبنا

من عنيكم الوحش دى

وشيلوا عينكم من حياتنا

وسبيونا بقا فى اللى احنا فيه

مش كل ماربنا يدينا تغيرو وتغلوا

والنعمة لما تبان علينا

تبقوا هتجنوا ص

ياناس ياشر كفايا قر

من أذانا هتاخدو ايه

دا العسل بقا طعمه مر

من كتر بص عنيكو فيه

اللى باصصلنا فى لقمتنا

يارب اكفينا شر عنيه

واللى بيحسدنا على رحتنا

اللهى ربنا يشفيه

واللى مش طايق سيرتنا

يارب كره نفسه فيه

واللى نيته من ناحيتنا

سوده زية اقلبها عليه

واللى ملوش شغله وفاضلنا

اشغله عننا والهيه

وبدل مافينا عمال يرازى

أرزقه باللى يرازيه

مستكترين الدنيا تضحك

لينا ليه ونفرح يومين

هى ليه الكحكة هجبه

تملى فى ايدين اليتيم

صعبان عليكو ليه تشوفونا

فرحانين ليه ومبسوطين

دا احنا طالع عين ابونا

تعبانين مش مرتاحين

الرزق لما يدق بابنا

تبقوا عايزين تمنعوه

وكل قرش يخش جبنا

تبصوا فيه وتنظروه

حلوا عنا حرام عليكوا

دا احنا فى القرش شقيانين

وبطلو الغل اللى فيكوا

وارحمونا من دى عين

اللى باصصلنا فى لقمتنا

يارب اكفينا شر عنيه

واللى بيحسدنا على راحتنا

اللهى ربنا يشقيه

واللى مش طايق سيرتنا

يارب كره نفسه فيه

واللى نيته من ناحيتنا

سوده زيه اقلبها عليه

اللى مالوش شغلة وفاضلنا

اشغلة عننا والهيه

يارب اشغله والهيه


التعليقات على ياللى بتبصوا فى عشيتنا أنتم عايزين مننا ايه

لم يتم اضافة تعليقات على الخبر بعد ... كن صاحب اول تعليق